بهزر معاك

عمال بيطلب في البعاد

وانا قلبي مش اد البعاد

واقوله خلاص روح وانساني

يقولي ده انا بهزر معاك

هوه ليه مش عارف

الهزار م الجد

هوه ليه مش حاسس

إني بحبه بجد

هوه ليه مش عارف

الهزار م الجد

هوه ليه مش حاسس

إني بحبه بجد

هوه ليه بيعمل كده

يقسي ليه ويظلم كده

واما اقوله انه أناني

يقولي ده انا روحي فدااااااك

عمال بيطلب في البعاد

وانا قلبي مش اد البعاد

واقوله خلاص روح وانساني

يقولي ده انا بهزر معاك

ياحبيبي الحب طول عمره

مافيهوش هزار

يا تحب بجد

يا اما بلاش نترمي في النار

ياحبيبي الحب طول عمره
مافيهوش هزار
يا تحب بجد
يا اما بلاش نترمي في النار

وارسالك علي بر معايا

يا تسيبني احبك يا حبيبي

يا تقولي انساك

عمال بيطلب في البعاد

وانا قلبي مش اد البعاد

واقوله خلاص روح وانساني

يقولي ده انا بهزر معاك

بحلفك بالغالي

بحلفك بالغالي
وبكل الغاليين
ارجعلي ياغالي
وكفايه بعادنا سنين
بحلفك بهوانا
وبالشوق والحنين
بحلفك بدموعنا
في يوم الرحيل
بكفايه بعاد وارجعلي
بكفايه عناد واسمعني
ده انا قلبي حته منك
وانت حته من قلبي
ياحبيبي قلبي في بعدك
مش عارف هوه مين
بتعدي عليه الليلالي
دايما مكسور حزين
وانت واتاريك مش داري
ولا حاسس باللي جرالي
طب حتي قولي في بعدك
قلبي يشكيك لمين
بكفايه بعاد بقي وارجعلي
ده انا قلبي حته منك
وانت حته من قلبي

من امتي بحبك ؟؟

عارف حبيبي

انا من امتي بحبك

من اول مره شوفتك

حسيت بدفء في قربك

واتمنيت اسبح في شطك

واكون طول عمري جنبك

عارف من امتي بحبك

من اول نظره منك

غمضت عيني عنك

وحلمت في يوم اضمك

وتكون لقلبي وحدك

عارف من امتي بحبك

من اول بسمه منك

اتمنيت قلبك يدلك

ويجيبك ليا يشدك

ويقولك اني في بُعدك

تايه محتاج لقمرك

يشاورلي فين اقابلك

واشوفك هناك بتضحك

وساعتها كنت هأقولك

عارف من امتي بحبك ؟

ها يجيني تاني

ها يجيني تاني
لو قلبي نداله

بس انا مش عاوزه

حبيبي يرجع

علشان ندهاله

انا عاوزاه هوه من نفسه

قلبه يقولهاله

مغلبني معاه يزعل يبعد

واحايل فيه وبرده بيعند

وعاوزني انا بقي ... اندهله تاني

نفسي يوم يحس قيمتي

واد ايه اني بعاني

لا انا قادره في بعده
ولا في قربه

بيريح بالي

ويروح ويغيب عليا

ولا حتي بيسأل فيا

وانا يوم ما تشوفه عينيه

بتحن تاني

بس تعبت خلاص وياه

جبت انا اخر صبري معاه

لو غاب تاني ما هستناه

وهأدور علي قلب اهواه

وهاحب تاني

كان نفسي

كان نفسي اعيش الحياه

من غير ما حد

يتألم عشاني

كان نفسي لو يوم قولت آه

الاه ما توجع حد تاني

يعني اعيش من غير ما احب

يعني اخاف علي اي قلب

يعني لو يوم قلبي دق

لازم اقول للحب لا

وهوه ده نصيبي

نصيبي في الحياه

كل يوم ابعد بأيدي

عن حبيب بأهواه

واختار ألمي انا

علشان ما يتألمش

واختار جرحي انا

علشان في يوم ما يقولش

ان انا كنت قاسي عليه

وكنت اناني في حبي ليه

وما خوفتش يوم عليه

من انه يقول الآه

من انه يقول الآه

يااااااه عالجرح

ياه عالجرح
بيوجع قوي
وبيقتل ألوف

لا عمره فرق
مين فينا القوي
ولا ايه الظروف

عارف طريقه وماشي

واخد المعاني وماشي

وخد حتي الحروف

وما سابلناش غير دمعه

في عز الضلمه والعه

وبرده مش بنشوف

برده مش بنشوف

بس جرح الجسم اهون
والا جرح الروح

مين فيهم بيفضل فينا
ومين فيهم بيروح

مين فيهم دموعه بتخلص

ومين بينزل بدل الدمعه ألوف

بدل الدمعه ألوف

وادينا ماشيين ولا حد عارف

بكره هايجيب ايه

جرح النهارده وامبارح

هيموت والا ايه

والا هيفضل فينا

ويقتل احلي ما فينا

ونموت احنا وهوه

يفضل الذكري لينا

يفضل الذكري لينا