مفيش مكان عالأرض
لحد يحب حد
مفيش انسان بيوفي
وقادر يحب بجد
خلاص مفيش امان
خلاص مفيش حنان
حتي اللي بحبه خان
وقال ما بينا سد
حبيته وكنت سعيد
وقولت بقالي حبيب
وأتاريه وهم وأكاذيب
والحلم خلاص اتهد
مفيش مكان عالأرض
لحد يحب حد
مفيش انسان بيوفي
وقادر يحب بجد
كنت بخاف
علي نفسي عشانه
علي نفسي عشانه
كنت بخاف مني عليه
واتاري الغدر فكيانه
والخيانه دي طبع عينيه
بس لأ يا قلبي اوعي
تيجي يوم وتندم عليه
واصبر معايا يا قلبي
يمكن تلاقي حد