تقول أستبن او صدفة
تقول كوسة تقول كفته
نجح بالزيت و بالسكر
تقول حتي عليه تعريص
ما يهمنيش .... انا الرئيس
تقول خطّبه بدون معني
تقول قسم وسمعنا
تقول عامل دماغ محشي
تقول حتي كلام تهييس
ما يهمنيش .... انا الرئيس
تقول جاي بدون خطه
تقول الحاله مش زابطه
تقول النهضه دي لبوسه
طب البسها او خدها في كيس
ما يهمنيش .... انا الرئيس
تقول دكتور عامل فاهم
وهو خروف ومش فاهم
وتسأل عنه في الناسا
ويطلع كله كلام تهجيص
ما يهمنيش .... انا الرئيس
تقول زعيم لحراميه
تقول اخوانه بلطجيه
تقول بيقتّلوا في الشعب
ما يموت الشعب والا يعيش
ما يهمنيش .... انا الرئيس
تقول للشعب مش سامع
وللمرشد اكيد تابع
تقول عنه مالوش لازمه
تقول طائر ومن غير ريش
ما يهمنيش .... انا الرئيس
طب خدها كلمه للذكري
يمكن تنفعك بكره
كان في قبلك حاكم ظالم
وقال هو وغيره مفيش
و برضه قالها من قبلك
ما يهمنيش .... انا الرئيس
ليست هناك تعليقات:
إرسال تعليق